News of SEBON

एभरेष्ट इन्सुरेन्स कम्पनी लि. र नेशनल हाइड्रो पावर कम्पनी लि. को धितोपत्र कारोबार स्थगन गरिएको ।

नेपाल धितोपत्र बोर्डमा एभरेष्ट इन्सुरेन्स कम्पनी लि. को मूल्य संवेदनशील सूचना चुहावट भई कारोबार भएको उजुरी प्राप्त हुन आएको र सो सम्बन्धी अनुसन्धान कार्य अगाडि बढाउने क्रममा अर्को व्यवस्था नहुँदासम्मको लागि उक्त कम्पनीको धितोपत्र कारोबार स्थगन गर्न पत्रचार गरिएको छ ।

बोर्डको रजत जयन्ती कार्यक्रम सम्बन्धमा ।

नेपाल धितोपत्र बोर्डले २४ औं वर्ष पूरा गरी २५ औं वर्ष (रजत जयन्ती) प्रवेशको पावन अवसरमा देहायका कार्यक्रमहरु गरिसकेको छ भने केही कार्यक्रमहरु बर्ष भरी गरिने छन्ः

बोर्डको रजतजयन्तीको अवसरमा प्रभात–फेरी कार्यक्रम

नेपाल धितोपत्र बोर्डले २५ वर्ष (रजतजयन्ती) को पावन अवसरमा नेपाल धितोपत्र बोर्ड कर्मचारी युनियनको समन्वयमा मिति २०७४ जेठ २४ गते बिहान ७ः३० बजे प्रभात–फेरी कार्यक्रम आयोजना गरियो । काठमाण्डौको भद्रकालीदेखि, शहिदगेट, रत्नपार्क हुँदै भृकुटीमण्डप पुगी समापन भएको उक्त कार्यक्रममा धितोपत्र बजार सम्बन्धी विभिन्न सचेतनामूलक प्लेकार्डहरु सहित बोर्ड, नेपाल स्टक एक्सचेन्ज, सिडिएस एण्ड क्लियरिङ्ग लि., इक्रा नेपाल लि., धितोपत्र व्यवसायी (धितोपत्र दलाल, मर्चेण्ट बैंकर, निक्षेप सदस्य), लगायतका निकायका पदाधिकारी एंव कर्मचारीहरु समेत गरी करिब सात सय जनाको सहभागिता रहेको थियो ।
जेठ २४, २०७४

बोर्डको रजतजयन्तीको अवसरमा रक्तदान कार्यक्रम

नेपाल धितोपत्र बोर्डले २५ वर्ष (रजतजयन्ती) को पावन अवसरमा नेपाल रेडक्रस सोसाइटी केन्द्रीय रक्तसंचार सेवा, बालकुमारी, ललितपुरको सहयोग तथा नेपाल धितोपत्र बोर्ड कर्मचारी युनियनको समन्वयमा मिति २०७४ जेठ २२ गते वोर्डको कार्यालय परिसरमा पहिलो पटक रक्तदान कार्यक्रम आयोजना गरियो । उक्त रक्तदान कार्यक्रममा बोर्ड, नेपाल स्टक एक्सचेन्ज, सिडिएस एण्ड क्लियरिङ्ग लि.,धितोपत्र व्यवसायी(धितोपत्रदलाल, मर्चेण्ट बैंकर, निक्षेप सदस्य), लगायतका निकायका पदाधिकारी एंव कर्मचारीहरु समेत गरी १५१ जनाले रक्तदान गर्नुभयो ।

प्रज्ञान सेक्युरिटिजलाई छानविनको लागि कारोवार गर्न रोक

प्रज्ञान सेक्युरिटिज प्रा. लि. को विराटनगर स्थित कार्यालयबाट सिभिल बैंक लि. ले जारी गर्न लागेको हकप्रद शेयरको सम्वन्धमा सार्वजनिक नभएको सूचना केही व्यक्तिहरुलाई दिएको जानकारी प्राप्त भएकोले यस सम्बन्धमा बोर्डले आवश्यक छानविन कार्य अगाडि वढाएको छ । साथै उक्त छानबिन कार्य सम्पन्न नभइन्जेलसम्मको लागि प्रज्ञान सेक्युरिटिज प्रा. लि.लाई मिति २०७४।०२।०८ गतेदेखि निलम्बन गरी धितोपत्र कारोवार गर्न रोक लगाइएको छ ।
मितिः २०७४।०२।०७

धितोपत्र बजारमा सूचना प्रवाह बारे सचेतता सम्बन्धी ।

सूचीकृत संगठित संस्थाहरुको धितोपत्र बजार मूल्यमा प्रभाव पर्ने कतिपय सूचनाहरु संचालक बोर्ड तथा साधारण सभा/विशेष साधारण सभाबाट आधिकारिक निर्णय हुनु अगावै सम्बन्धित कम्पनीका अध्यक्ष/संचालक तथा प्रमुख कार्यकारी अधिकृत सहितका उच्च स्तरका पदाधिकारीहरुबाट विभिन्न संचार माध्यमहरु मार्फत समय समयमा अन्तवार्ता तथा निजहरुका व्यक्त विचार भनी सम्प्रेषण हुने गरेको समाचारहरुको सम्बन्धमा बोर्डको ध्यानाकर्षण भएको छ ।

Pages