News of SEBON

आस्वा प्रणाली लाई प्रभावकारी बनाउने सम्बन्धमा नेपाल धितोपत्र बोर्डमा छलफल

धितोपत्रको सार्वजनिक निष्काशन हुदाँका बखत लगानीकर्ताबाट दरखास्त फारम संकलन तथा तत् सम्बन्धी कार्य गर्न धितोपत्र खरिद सार्वजनिक निष्काशन सम्बन्धी निर्देशिका, २०७३ को व्यवस्था बमोजिम आस्वा प्रणाली यही माघदेखि लागू गरिएको र हालसम्म उक्त प्रणालीबाट समेत फरवार्ड कम्युनिटी माइक्रोफाइनान्स, यूनाईटेड मोदी र स्ट्याण्डर्ड चार्टर्ड बैंङ्क गरी तीन वटा कम्पनीहरुको सार्वजनिक निष्काशन भएकोमा आस्वा प्रणालीमा औसतमा संकलित रकमको आधारमा ५० प्रतिशत तथा संकलित आवेदन फारमको आधारमा ४५ प्रतिशत भन्दा बढी संकलन भएबाट आस्बा प्रणालीमा लगानीकर्ताहरुको सहभागितामा वृद्धि हुँदै आईरहेको छ ।

बोर्डका कर्मचारीहरुको लागि आचार संहिता लागू ।

पुँजी बजारमा सुशासन कायम गर्दे जाने क्रममा बोर्ड सञ्चालक समितिको मिति २०७३।१२।०४ को बैठकबाट बोर्डको कार्यकारी प्रमुख भई कार्य गर्ने अध्यक्षसहित बोर्डका कर्मचारीहरुलाई “नेपाल धितोपत्र बोर्डका कर्मचारीहरुको आचारसंहिता, २०७३” बनाई लागू गरिएको छ । उक्त आचारसंहितामा प्रमुख रुपमा देहायका व्यवस्थाहरु गरिएको छः

ब्रोकर व्याक अफिस सफ्टवेयरमा इन्टरनेट मार्फत खरिद विक्री आदेश दिन सक्ने व्यवस्था सम्बन्धमा प्रस्तुतिकरण तथा छलफल ।

धितोपत्र दलाल व्यवसायीहरुले हाल प्रयोग गर्दे आइरहेको नेपाल स्टक एक्सचेन्ज लि.(नेप्से) बाट स्वीकृत ब्रोकर व्याक अफिस सफ्टवेयर मार्फत लगानीकर्ताहरुले सरल र सहज रुपमा इन्टरनेट मार्फत खरिद विक्री आदेश दिन सक्ने व्यवस्था गर्नको लागि धितोपत्र दलाल व्यवसायीहरुलाई यस बोर्डले हालै परिपत्र जारी गरेको छ ।

यसै सन्दर्भमा यस्तोे आदेश व्यवस्थापन (Order Management) प्रणाली सम्बन्धमा धितोपत्र दलाल व्यवसायी तथा लगानीकर्ताहरुको लागि सफ्टवेयर निर्माता कम्पनीहरुले बोर्डको संयोजनमा हालै ब्रोकर व्याक अफिस सफ्टवेयरमा इन्टरनेट मार्फत खरिद विक्री आदेश दिन सक्ने व्यवस्था सम्बन्धमा अन्तरकृयात्मक प्रस्तुतिकरण कार्यक्रम आयोजना गरिएको थियो । नेप्सेले आफ्नो विद्यमान Automated Trading System लाई प्रतिस्थापन गरी Online Trading System ल्याउन लागिरहेको परिप्रेक्ष्यमा आउने नयाँ प्रणालीको प्रयोगलाई थप सहजिकरण गर्न तथा पूर्व अभ्यास गराउने उद्देश्यले विद्यमान व्याक अफिस सिस्टम मार्फत खरिद विक्री आदेश दिने र तथ्यांकको अभिलेख व्यवस्थापन गर्न उक्त प्रणालीका सम्बन्धमा सफ्टवेयर निर्माताहरुले प्रणालीका व्यवस्था तथा प्रयोग सम्बन्धमा अन्तरकृयात्मक प्रस्तुतिकरण गरेका थिए ।

आस्वा प्रणालीलाई प्रभावकारी बनाउन निर्देशन ।

बोर्डबाट हालसम्म ४१ वटा बैंक तथा वित्तीय संस्थाहरुलाई आस्वा प्रणालीमा सहभागी भई सेवा प्रदान गर्न अनुमति प्रदान गरिएकोमा हालैको सार्वजनिक निष्काशनमा यस प्रणालीमा सहभागी कतिपय बैंक तथा वित्तीय संस्थाहरुबाट सहज ढंगले सेवा प्रदान गर्न सकेको भन्ने नपाइएकोले यस प्रणालीलाई प्रभावकारी तथा सहज बनाउन सम्बन्धित आस्वा प्रणालीमा सहभागी संस्थाका कर्मचारीहरुलाई शीघ्र आवश्यक तालिम तथा अन्र्तक्रिया कार्यक्रम संचालन गरी क्षमता अभिवृद्धि गर्न तथा यस प्रणालीको कार्यान्वयन सम्बन्धमा कुनै समस्या देखा परेमा बोर्डलाई जानकारी गराउन समेत निर्देशन दिएको छ ।
मिति २०७३।११।१५

भारतीय पुँजी बजार नियमन निकाय सेवीको विज्ञ समूहद्वारा पहिलो पटक सेवोनका कर्मचारीहरुलाई तालिम ।

बोर्डको संस्थागत क्षमता अभिबृद्धिका क्रममा बोर्डले हालै आफ्नो जनशक्ती दोब्बर गरेकोमा बढेको जनशक्तीलाई प्रशिक्षित गरी क्षमता अभिवृद्धि गर्ने उद्देश्यले उदीयमान धितोपत्र बजारको संरचना, नियमन तथा सुपरिवेक्षण विधि, नियमन निकायको सांगठनिक संरचना लगायतका विषयमा बोर्डका कर्मचारीलाई प्रशिक्षण गर्न बोर्डले छिमेकी मुलुक भारतको धितोपत्र बजारको नियमन निकाय भारतीय प्रत्याभूति तथा विनिमय बोर्ड (सेवी) संग प्राविधिक सहयोगका लागि अनुरोध गरेको थियो । बोर्डको अनुरोध अनुसार सेवीका महाप्रबन्धक बि.एन.साहूको नेतृत्वमा आएको तीन सदस्यीय विज्ञ टोलीद्वारा पहिलो पटक धितोपत्र बजार नियमन तथा सुपरिवेक्षण सम्बन्धमा बोर्डका कुल ३५ जना कर्मचारीहरुलाई ३ दिने गहन तालिम कार्यक्रम हालै सम्पन्न भयो ।

डोटीमा पूँजीवजार सम्वन्धी जनचेतना अभिवृद्धि तथा अन्तरक्रिया कार्यक्रम ।

धितोपत्रमा लगानी गर्ने लगानीकर्ताहरुको लगानी सम्बन्धमा सचेतताको अभिबृद्धि गर्न तथा पूँजीबजारलाई देशव्यापी वनाउन देशका ७५ वटै जिल्लाहरुमा लगानीकर्ता प्रशिक्षण तथा अन्तर्कृया कार्यक्रमहरु संचालन गर्ने क्रममा नेपाल धितोपत्र बोर्डले डोटी उद्योग वाणिज्य संघको संयुक्त आयोजनमा सूदूर पश्चिमाञ्चलको क्षेत्रिय सदरमूकाम डोटीमा मिति २०७३।११।०४ गते पूँजीबजार सम्बन्धमा जनचेतना अभिवृद्धि तथा अन्तर्कृया कार्यक्रम सम्पन्न गरेको छ । डोटी उद्योग वाणिज्य संघका अध्यक्ष नरेन्द्र बहादुर खड्काको अध्यक्षतामा संचालन भएकोकार्यक्रममा प्रमुख अतिथिको रुपमाा डोटी जिल्लाका प्रमुख जिल्ला अधिकारी गोकर्ण प्रसाद शर्मालेपूँजी बजार हाल विश्वव्यापी हुँदै गएको सन्दर्भमा वित्तीय प्रणालीको अभिन्न अंगको रुपमा रहेको पूँजी बजारले यस क्षेत्रमा समेत लगानीको लागी वातावरण बनाउने र यस क्षेत्रका जनताहरु समेत पूँजी बजार बारे जानकार हुने विचार व्यक्त गर्दै लगानीकर्ताको हकहित सरक्षणमा नियमन निकायको थप सक्रियताको लागी अनुरोध गर्नुभयो ।

प्राथमिक र दोस्रोे बजार विस्तार गर्ने क्रममा बोर्ड वित्तीय सचेतता अभिबृद्धि अभियानमा ।

२०७२ माघदेखि सम्पूर्ण सूचिकृत कम्पनीहरुको अभौतिकृत धितोपत्रको मात्र कारोवार हुने गरी पूर्ण स्वचालित सेवा (Full Automation) को व्यवस्था, २०७३ माघबाट सार्वजनिक निष्काशनमा डिम्याट खाता अनिवार्य गरिएको तथा ब्क्द्यब् प्रणाली समेत लागू भएको परिप्रेक्ष्यमा बोर्ड धितोपत्रको प्राथमिक तथा दोस्रो बजारको विस्तार गर्ने क्रममा वित्तीय साक्षरता अभियानमा जुटेको छ । यसै सन्दर्भमा बोर्डले हालसालै मध्यपश्चिमाञ्चलको दाङ्ग, सल्यान र रुकुमका सम्बन्धित जिल्ला उद्योग वाणिज्य संघको संयुक्त आयोजना, तथा विभिन्न कलेजहरुको संयोजनमा छुट्टाछुट्टै पूँजीबजार सम्बन्धमा जनचेतना अभिवृद्धि तथा अन्र्तकृया कार्यक्रम सम्पन्न गरेको छ ।

Pages