मार्जिन ऋण कारोवार नियमावलीको मस्यौदामा राय/सुझाव पेश गर्ने सम्बन्धमा।

नेपालको पूँजी बजारले संस्थागत विकास, विद्युतीय कारोबार प्रणाली तथा लगानीकर्ता आधार विस्तारका क्षेत्रमा उल्लेखनीय उपलब्धि हासिल गरिसकेको भएतापनि बजारको गुणात्मक विकासका दृष्टिले अझै नयाँ चरणमा प्रवेश गर्नुपर्ने आवश्यकता स्पष्ट रूपमा देखिएको सन्दर्भमा मार्जिन लेण्डिङ्ग, इन्ट्राडे कारोवार, धितोपत्र सापटी तथा उधारो र आवरणयुक्त शर्ट सेलिङ्ग प्रणालीको कार्यान्वयनबाट नेपालको पूँजी बजारलाई आधुनिक, प्रतिस्पर्धी तथा अन्तर्राष्ट्रिय अभ्यास अनुरूप विकास गर्न बोर्ड अग्रसर रहेको छ। पहिलो चरणमा मार्जिन लेण्डिङ्ग प्रणालीको संरचना मार्फत् योग्य लगानीकर्तालाई स्वःपूँजी (Equity Margin) एवं धितोपत्र दलाल व्यवसायीसँग ऋण लिई लगानी गर्ने अवसर उपलब्ध गराउन बोर्डले मार्जिन ऋण कारोवार (मार्जिन लेण्डिङ्ग) नियमावलीको मस्यौदा गरेको छ। उक्त मस्यौदामा बोर्ड, नेपाल स्टक एक्सचेञ्ज लि., सिडिएस एण्ड क्लियरिङ्ग लि. र स्टक ब्रोकर एशोसियशन अफ नेपालका प्रतिनिधि सम्मिलित धितोपत्रको दोश्रो बजार सुधार योजना  कार्यान्वयनका लागि समन्वय तथा सहजीकरण गर्न गठित समितिमा छलफल भई समितिले आवश्यक परिमार्जन सहित तयार गरेको मस्यौदा सरोकारवालाहरुको राय/सुझाबका लागि सार्वजनिक गरिएको छ।

बोर्डले यस विषयमा सरोकारवाला पक्षहरूबाट प्राप्त राय तथा सुझावको अध्ययन गरी मार्जिन ऋण कारोवार नियमावलीलाई अन्तिम रुप दिनेछ। यसका लागि सम्बन्धित सबै सरोकारवालालाई बोर्डको इमेल support@sebon.gov.np मा अमूल्य सुझाव उपलब्ध गराउनुहुन अनुरोध छ।

सार्वजनिक परामर्शका लागि संक्षिप्त विवरण, नियमावलीको मुख्य विशेषता, सार्वजनिक सुझावका सम्बन्धी विशेष प्रश्न लगायतका संक्षिप्त विवरण तल दिइएको लिङ्कमा क्लिक गरी हेर्न सकिनेछ।

https://www.sebon.gov.np/uploads/2026/08/18/Xp6XJlR7bMGdU073G1ilIHMgXxa9yyYJgPuWRb4V.pdf

मार्जिन ऋण कारोवार नियमावली, २०८३ को मस्यौदा तल दिइएको लिङ्कमा क्लिक गरी हेर्न सकिनेछ।

https://www.sebon.gov.np/uploads/2026/08/18/k8T801rni9nR5dPTG5HFZg4QuEEvm6gLIWeMUbYz.pdf