नेपालमा नवीनतम वित्तीय उपकरण विकास तथा सञ्चालन व्यवस्थापनका लागि आवश्यक कानूनी, प्राविधिक तथा संस्थागत पूर्वाधारको विकास सम्बन्धी कार्य अगाडि बढाउन समिति गठन सम्बन्धमा।

 बोर्डले नेपालको पूँजी बजारलाई थप पारदर्शी, विश्वसनीय र लगानीकर्तामैत्री बनाउने उद्देश्यसहित, बजारको गहिरार्इ तथा विविधीकरण(Market Deepening and Diversification) गर्न बोर्डका का.मु. कार्यकारी निर्देशकको संयोजकत्वमा नेपालमा नवीनतम वित्तीय उपकरण विकास तथा सञ्चालन व्यवस्थापन सम्बन्धी समिति गठन गरेको छ। उक्त समितिमा नेपाल राष्ट्र बैंकबाट निर्देशकस्तरका प्रतिनिधि, नेपाल स्टक एक्सचेञ्ज लिमिटेडका प्रतिनिधि, मर्चेण्ट बैंकर्स एशोसिएसन अफ नेपालको तर्फबाट प्रतिनिधि सहित सात सदस्यीय रहेको छ।

      नेपालको धितोपत्र बजारमा शेयर कारोबारमा मात्र सीमित नराखी कर्पोरेट ऋणपत्र, सरकारी ऋणपत्र, नगर ऋणपत्र, हरित ऋणपत्र, पूर्वाधार ऋणपत्र, एक्सचेञ्ज ट्रेडेड फण्ड (ETF), रियल इस्टेट इन्भेष्टमेन्ट ट्रस्ट (REIT), इन्भाइट (InvIT)तथा चरणबद्ध रूपमा डेरिभेटिभ वित्तीय उपकरणहरूको कारोबार गर्न सक्षम बहुआयामिक बजारका रूपमा विकास गर्ने र सोका लागि आवश्यक कानूनी, प्राविधिक तथा संस्थागत पूर्वाधारको विकासलाई प्राथमिकताका साथ अघि बढाउनु समितिको कार्यशर्त रहेको छ।

      बोर्डबाट सार्वजनिक गरिएको नेपालको पूँजी बजार विकास मार्गचित्र, २०८३ मा बजारको गहिरार्इ तथा विविधीकरण (Market Deepening and Diversification) गर्न Corporate Bond Market, Green Bonds र Municipal Bonds, ETFs, REITs & InvITs Derivatives Market को चरणबद्ध विकास गर्ने तय भएको हुँदा वित्तीय उपकरणहरूको विविधीकरण Exchange Traded Funds (ETF), Real Estate Investment Trusts (REITs), Infrastructure Investment Trusts (InvITs), Green Bonds, Municipal Bonds, Commodity Futures, Currency Derivatives जस्ता नवीनतमा उपकरणको विकास तथा सञ्चालनका लागि आवश्यक कानूनी, प्राविधिक तथा संस्थागत पूर्वाधारको विकास सम्बन्धी अध्ययन गरी कार्यान्वयनमा लैजानका लागि आवश्यक कार्य गर्नेछ। उक्त समितिको पहिलो बैठक आज बसी यस्ता उपकरणहरूको अवधारणा, कानूनी तथा बजार संरचना र अन्य आवश्यक प्राविधिक तयारी सम्बन्धी कार्य अगाडि बढेको छ ।यससँगै नेपालको धितोपत्र बजारमा नयाँ उपकरणहरूको विकास तथा शुरूवात भई धितोपत्र बजारको बहुआयामिक विकासमा टेवा पुग्ने बोर्डले अपेक्षा लिएको छ।