ऋणपत्र दर्ता तथा निष्काशन नियमावली, २०८३ को मस्यौदामा राय/सुझाव पेश गर्ने सम्बन्धमा।

पूँजी बजारको बृहत्तर सुधार (Macro Reform) गर्न सार्वजनिक गरिएको नेपालको पूँजी बजार विकास मार्गचित्र २०८३ मा नेपालको पूँजी बजारलाई "Equity-centric Market" बाट "Multi-product Capital Market" मा रूपान्तरण गर्दै लैजाने लक्ष्य लिईएको। त्यस्तै बोर्डको आ.व. २०८३।८४ को नीति ऋणपत्र बजारलाई गतिशील बनाउन संस्थागत ऋणपत्र बजार(Corporate Bond Market) को विकास गर्ने कार्यक्रम तय भएको। नेपालको पूँजी बजारमा ऋणपत्र (Debentures/Bonds) बजारको विकास गरी बजारको गहिराइ (Market Depth), तरलता (Liquidity) तथा जोखिम व्यवस्थापनमा जोड दिने बोर्डको सोच रहेको।

नेपालको ऋणपत्र बजारलाई थप विविधिकृत, प्रतिस्पर्धी तथा पारदर्शी बनाउन संस्थागत ऋणपत्र बजार (Corporate Bond Market) को विकास आवश्यक देखिन्छ।यसै सन्दर्भमा ऋणपत्रमार्फत बैंक तथा वित्तीय संस्था मात्र नभई योग्य अन्य संगठित संस्थाले समेत दीर्घकालीन वित्तीय स्रोत परिचालन गर्न सक्ने गरी अर्न्तराष्ट्रिय असल अभ्यास समेतका आधारमा ऋणपत्रको दर्ता तथा निष्काशन सम्बन्धी व्यवस्थालाई थप व्यवस्थित, पारदर्शी तथा प्रभावकारी एवं समयानुकूल बनाउन ऋणपत्र दर्ता तथा निष्काशन नियमावली, २०८३ को मस्यौदा तयार गरिएको छ।उक्त मस्यौदा बोर्डको कानून प्रवलीकरण समितिमा समेत छलफल भई समितिले आवश्यक परिमार्जन सहित तयार गरी पेश गरेको मस्यौदा सरोकारवालाहरुको राय/सुझाबका लागि सार्वजनिक गरिएको छ। अतः उक्त मस्यौदाका सम्बन्धमा कुनै राय, सुझाव वा प्रतिक्रिया भएमा यो सूचना प्रकाशित भएको मितिले ७ (सात) दिनभित्र बोर्डको इमेल support@sebon.gov.np मा उपलब्ध गराई दिनुहुन अनुरोध छ। बोर्डले यस विषयमा सरोकारवाला पक्षहरूबाट प्राप्त राय तथा सुझावको अध्ययन गरी ऋणपत्र दर्ता तथा निष्काशन नियमावलीलाई अन्तिम रुप दिनेछ।

सार्वजनिक परामर्शका लागि संक्षिप्त विवरण, नियमावलीको मुख्य विशेषता, सार्वजनिक परामर्शका लागि विशेष रूपमा छलफल गर्नुपर्ने विषय लगायतका संक्षिप्त विवरण यस लिङ्कमा क्लिक गरी हेर्न सकिनेछः

https://www.sebon.gov.np/uploads/2026/08/20/p8vZjQRo9BUYZAeKcAnKsrFI9lTuOrItmuckZfXe.pdf

त्यसैगरी, ऋणपत्र दर्ता तथा निष्काशन नियमावली, २०८३ को मस्यौदा यस रलिङ्कमा क्लिक गरी हेर्न सकिनेछः

https://www.sebon.gov.np/uploads/2026/08/20/LJNWtTgfrSzEg1mrT51xwIFpJ1Bd2pV9jUNAMf4A.pdf