News of SEBON

प्राथमिक निष्काशनको रकम ने.रा. बैंकमा जम्मा गर्नुपर्ने व्यवस्था हटाइएको सम्बन्धमा

धितोपत्र निष्काशन निर्देशिका २०६५ को दफा २२ को उपदफा (४) मा “धितोपत्र निष्काशन गर्दा निष्काशन बैंकमा जम्मा भएको रकम धितोपत्र बिक्री बन्द भएको ६ कार्यदिन भित्र नेपाल राष्ट्र बैंकमा खाता खोली कम्तिमा ६ कार्यदिनको लागि जम्मा गर्नुपर्नेछ । यसरी नेपाल राष्ट्र बैंकमा खाता खोली जम्मा गरिएको रकम बोर्डको अनुमति लिएर मात्र झिक्नुपर्नेछ । ” भन्ने व्यवस्था रहेकोमा उक्त व्यवस्थाले गर्दा बजारमा तरलतामा प्रभाव पार्न सक्ने अवस्था रहेको । हाल बैंक तथा वित्तीय संस्थाहरुले प्रत्येक महिनाको आफ्नो वित्तीय अवस्था बारे नेपाल राष्ट्र बैंकमा विवरण पेश गर्नुपर्ने व्यवस्था बमोजिम गरिरहेको र सार्वजनिक निष्काशनमा बोर्डले ASBA प्रणाली लागू गरिसकेको परिप्रक्ष्येमा उक्त व्यवस्था कायम राखिराख्न आवश्यक नदेखिएकोले निर्देशिकाको उक्त व्यवस्थालाई बोर्डको मिति २०७३।१०।१३ गतेको बैठकले हटाउने निर्णय गरेको छ ।

धितोपत्रको दोस्रो बजारमा लगानी कम्पनी (Investment Company) को स्थिति सम्बन्धी प्रारम्भिक अध्ययन

लगानीकर्ताको अनुशासित एवम् विवेकशिल संलग्नताबाट धितोपत्र बजार स्वच्छ, प्रभावकारी र विश्वासिलो हुने परिप्रेक्ष्यमा बजारमा के कस्ता लगानीकर्ताहरुको उपस्थिति एवम् संलग्नता रहेको छ भन्ने तथ्य यकिन हुन आवश्यक देखिन्छ । यसका लागि बोर्डले हालै धितोपत्रको दोस्रो बजारमा निजी लगानी कम्पनीहरुको स्थिति पत्ता लगाई यिनीहरुको गतिविधी व्यवस्थित गर्ने उद्देश्यले दोस्रो बजारमा इन्भेष्टमेन्ट कम्पनी सम्बन्धी प्रारम्भिक अध्ययन गरेको छ ।

ASBA प्रणालीको कार्यान्वयन सम्बन्धी

धितोपत्रको सार्वजनिक निष्काशन हुँदाका बखत लगानीकर्ताबाट दरखास्त फारम संकलन तथा तत् सम्बन्धी कार्य गर्न धितोपत्र खरिद (सार्वजनिक निष्काशन) सम्बन्धी निर्देशिका, २०७३ को व्यवस्था बमोजिमको ASBA प्रणाली यही माघदेखि लागू गरिएको र उक्त प्रणालीको कार्यान्वयनको क्रममा मिति २०७३।१०।०९ देखि फरवार्ड कम्युनिटी माइक्रोफाइनान्सको सार्वजनिक निष्काशनका लागि ASBA प्रणाली मार्फत समेत दरखास्त संकलन कार्य भैरहेकोमा यसको सहजीकरणको लागि बोर्डले उपत्यकाका विभिन्न स्थानहरुमा ६ वटा तथा उपत्यका बाहिरका विभिन्न स्थानहरुमा ४ वटा टोली खटाई निरीक्षण भैरहेको छ । बोर्डबाट खटाईएको टोलीबाट प्राप्त प्रारम्भिक जानकारी बमोजिम उ

ASBA प्रणाली लागू गर्ने सम्बन्धी

धितोपत्रको सार्वजनिक निष्काशन हुँदाका बखत लगानीकर्ताबाट दरखास्त फारम संकलन तथा तत् सम्बन्धी कार्य गर्न धितोपत्र खरिद (सार्वजनिक निष्काशन) सम्बन्धी निर्देशिका, २०७३ को व्यवस्था बमोजिमको ASBA प्रणाली यही माघदेखि लागू गर्न लागिएको छ । ASBA प्रणाली हाल ऐच्छिक भएकोेले बोर्डले अनिवार्य नगरेसम्म बिद्यमान संकलन केन्द्र सम्बन्धी व्यवस्थामार्फत समेत लगानीकर्ताहरुले सार्वजनिक निष्काशनमा शेयर खरिदका लागि आवेदन गर्न सक्नेछन र यस सम्बन्धमा लगानीकर्ताहरुलाई जानकारी दिन बोर्डबाट सार्वजनिक सूचना समेत प्रकाशन गरिसकिएको छ ।  

नेप्सेलाई धितोपत्र दलाल व्यवसायीको शाखा/Remote Work Station (RWS) विस्तार सम्वन्धमा

स्टक ब्रोकर्स एसोशिएसन अफ नेपालको अनुरोध अनुसार धितोपत्र दलाल व्यवसायीको शाखा/Remote Work Station (RWS) विस्तार कार्य अगाडि बढाउन यस बोर्डको सहमितको लागि नेपाल स्टक एक्सचेन्ज लिमिटेड (नेप्से), बाट पत्र प्राप्त भएको सन्दर्भमा धितोपत्र दलाल व्यवसायीको शाखा विस्तार सम्वन्धी नेप्सेबाट प्राप्त पत्र तथा उक्त पत्र साथ संलग्न धितोपत्र दलाल संघको पत्रमा धितोपत्र दलाल व्यवसायीको नाम तथा शाखा रहने स्थान मात्र उल्लेख भएको देखिएको तर सो कार्यसंग अन्तर्नीहित जोखिम र सोको न्यूनिकरण सम्वन्धमा नेप्सेको धारणा तथा राय उपलव्ध नभएकोले लगानीकर्ता र दलाल व्यवसायीहरुको जोखिम न्यूनीकरण गरी RWS विस्तार गर्नका लागि बोर्ड, नेपाल स्टक एक्सचेन्ज लिमिटेड (नेप्से), सिडिएस एण्ड क्लियरिङ्ग लि. तथा धितोपत्र दलाल व्यवसायीहरुको प्रतिनिधिहरु समेतको सहभागितामा यस वोर्डमा मिति २०७३।०९।१७ गते बैठक बसि यस सम्बन्धमा विस्तृत छलफल भयो ।

धितोपत्र बजार सुधार सम्बन्धी विगत एक वर्षको कार्य समीक्षा

१. धितोपत्रको दोस्रो बजार पूर्ण स्वचालित (Full Automation) युगमा प्रवेशः नेपालमा धितोपत्रको कारोवार प्रणाली यसअघि नै स्वचालित भइसकेकोमा विद्युतीय नामसारी र राफसाफ सेवाको पूर्ण स्वचालित संचालनको लागि २०७२ माघदेखि सम्पूर्ण सूचिकृत कम्पनीहरुको अभौतिकृत धितोपत्रको मात्र कारोवार हुने गरी नामसारी र राफसाफ समेतको पूर्ण स्वचालित सेवा संचालनको व्यवस्था गरिएको छ । यो व्यवस्था कार्यान्वयन भएसँगै नेपालको धितोपत्र बजार दक्षिण एशियाका अन्य देशको धितोपत्र बजार सरह नै आधुनिकीकरणको चरणमा प्रवेश गरेको छ । यसबाट दैनिक औसत कारोवार र कारोवार संख्यामा समेत बृद्धि भएको छ ।

२. दलाल व्यवसायी शुल्कमा ४० प्रतिशतसम्म कटौतीः दक्षिण एशियामा नै उच्च रहेको नेपालको धितोपत्र कारोवारमा लाग्ने दलाल व्यवसायी शुल्कलाई नेपाल सरकारको स्वीकृतिमा संसोधन गरी ४० प्रतिशतसम्म कटौती गरिएको छ जसबाट लगानीको लागत घटी धितोपत्रमा हुने लगानी प्रोत्साहित भएको छ ।

वास्तविक क्षेत्रका कम्पनीलाई पुँजी बजारमा सहभागी गराउन पहिलो अन्तर्कृया कार्यक्रम

बोर्डले संगठित संस्थाले जारी पुँजीको न्यूनतम १० प्रतिशत प्रारम्भिक सार्वजनिक निष्काशन गर्न सक्ने, प्रिमियम मूल्यमा धितोपत्र जारी गर्न सक्ने तथा अन्तर्राष्ट्रिय वित्तीय संस्थाले स्थानीय मुद्रामा ऋणपत्र जारी गर्न सक्ने व्यवस्था सहितको नयाँ धितोपत्र दर्ता तथा निष्काशन नियमावली, २०७३ नेपाल सरकारको स्वीकृतिमा ल्याएको पृष्ठभूमिमा नयाँ धितोपत्र निष्काशन निर्देशिका जारी गर्ने पूर्व सन्ध्यामा वास्तविक क्षेत्रका कम्पनीलाई पुँजी बजारमा आकर्षित गर्न तथा सम्बन्धित क्षेत्रको सुझाव निर्देशिकामा समावेश गर्न वास्तविक क्षेत्रका प्रमुख २ प्रतिनिधिमूलक संस्थाहरु नेपाल उद्योग वाणिज्य महासंघ तथा नेपाल उद्योग परिसंघका सदस्य संस्थाहरु, एनसेल प्रा.लि., चन्द्रागिरी हिल्स् लि. तथा विभिन्न जलविद्युत, हाउजिङ्ग, लगानी कम्पनीहरु सहित १०० भन्दा बढीको सहभागितामा हालै पहिलो पटक एक अन्तर्कृया कार्यक्रम सम्पन्न गर्यो ।

Pages